Square Enix oferta o seu terceiro Humble Bundle

Durante un par de semanas Square Enix celebra a súa terceira colaboración co Humble Bundle, ofrecendo un completo lote de videoxogos para achegar cartos a entidades benéficas (Make-A-Wish e GamesAid), e que achega os xogos Last Remnant, Life Is Strange Episode 1, Murdered: Soul Suspect, Tomb Raider I, II e III por achegas de a partires de 1 dólar.
As persoas que paguen máis da media (5,12 dólares no momento de escribir estas liñas) recibirán un completísimo conxunto de xogos, que van dende os modestos Gyromancer, Yosumin! e Front Mission Evolved, até os reputados Final Fantasy XIV: A Realm Reborn, Just Couse e Just Couse 2, aos que se engadirán máis xogos a semana que vén.
Pero a guinda chega para os que fagan un pagamento de a partires de 8,99 dólares, xa que desbloqueará o acceso a Lara Croft & the Temple of Osiris, a edición Xogo do Ano de Tomb Raider e a edición elite de Hitman Absolution. Temos así que por menos de 9 dólares pódense adquirir xogos por valor de 205 dólares.
Aínda que a meirande parte dos xogos só están dispoñibles para Windows a través de Steam, no caso de Tomb Raider e Hitman Absolution tamén pode gozarse dos mesmos en Mac.