Space Channel 5 Part 2 e SEGA Bass Fishing adáptanse á alta definición

A resurrección dos vellos xogos de Dreamcast nas consolas de alta definición parece non querer cesar, e tras a chegada de Sonic Adventure e o anuncio de Crazy Taxi para o mes que vén chega agora o anuncio de 2 títulos moi lembrados polo público coma o xogo de baile Space Channel 5 Part 2 e o xogo de pesca SEGA Bass Fishing, destacando este último por comercializarse cun periférico con forma de cana de pescar, que no seu tempo parecía algo ridículo, pero que agora está considerado por moitos coma o precursor do mando da Wii. Ambos xogos chegarían á PlayStation Network e ao Bazar de Xbox LIVE Arcade durante 2011 en versións presumiblemente adaptadas a unha resolución de pantalla de 720p, e de ser ben recibidos parece garantido que teremos moitos outros remakes de éxitos de Dreamcast de SEGA na última consola doméstica de Nintendo.