Sony presenta o seu primeiro cargador sen fíos portátil

luns, 31 de marzo do 2014 Marcus Fernández

Para adaptarse ás necesidades dos usuarios de smartphones que contan coa tecnoloxía de carga sen fíos Qi, Sony anuncia o seu novo cargador CP-W5, que funciona como cargador externo USB ou como un dispositivo de carga por indución, podendo operar tanto conectado a corrente como en mobilidade (grazas á súa batería de 5.000 mAh).
Este cargador mide 130 x 66 x 16,5 milímetros, pesa uns 188 gramos e pode cargarse nunhas 4 horas, podendo entregar a súa carga ata a 1 A mediante indución ou ata 1,5 A mediante micro USB.
A batería integrada no Sony CP-W5 pode cargarse máis dun milleiro de veces, mantendo conservando máis do 90% da súa capacidade en tal ciclo de vida. Porase á venda no mes de abril en Singapur en cor branca, quedando aínda por determinar a data e o prezo polo que poderemos ver este interesante produto en Europa.

PUBLICIDADE