Sonar de pulso para os amantes á pesca

luns, 11 de maio do 2009 Marcus Fernández

Os afeccionados á pesca tamén poden modernizarse tecnoloxicamente, polo que Humminbird ofrece toda unha serie de dispositivos que combinan tecnoloxía GPS con sonar cuns prezos que chegan aos milleiros de euros, aínda que tamén teñen no seu catálogo trebellos máis accesibles e económicos, coma o RF35, composto por 2 elementos: unha pantalla LCD con aparencia de reloxo de pulso e un sensor sonar remoto que funciona ata un radio de 20 metros e unha profundidade de 40 metros.
Este curioso sistema pode empregarse para saber onde está a pesca, aínda que descoñecemos a eficacia desta tecnoloxía nos modelos máis económicos, que no caso mencionado ten un prezo de 79,99 dólares (58,82 euros).

PUBLICIDADE