Seagate presenta o primeiro disco duro simple de 1,5 Tb

venres, 11 de xullo do 2008 Marcus Fernández

Os soportes de almacenamento de datos cada día gañan máis capacidade, e os discos duros non son menos, e Seagate anuncia o seu Barracuda 7200.11, que sería o primeiro disco duro de 3,5 polgadas (para ordenadores de sobremesa) cunha capacidade de 1,5 Tb, o que supón un incremento de 500 Gb con respecto do seu modelo anterior e sería o disco duro sinxelo de máis capacidade do mercado grazas ao uso de tecnoloxía de gravación magnética perpendicular (PMR).
O disco Seagate Barracuda 7200.11 chegará ao mercado no mes de agosto e suporá unha importante mellora para a capacidade de discos internos ou externos, así como de unidades RAID (que poden agrupar varios discos para que funcionen como unha única unidade de almacenamento).

PUBLICIDADE