Samsung presentará un móbil cunha cámara de 12 Mpíxeles

A mediados de mes agárdase que Samsung presente no Mobile World Congress de Barcelona un novo terminal telefónico que marcaría o tope de resolución na súa cámara dixital integrada, pois chegaría aos 12 Mpíxeles, superando incluso á meirande parte de cámaras dixitais no mercado.
Samsung xa se colocara en cabeza ao lanzar a súa cámara Innov8 (que foi a primeira en chegar aos 8 Mpíxeles), e pretende repetir o éxito, aínda que hai que admitir que unha resolución tan esaxerada non será unha prestación que demande o usuario medio.