Samsung presenta un módulo para avanzar no concepto de vehículos conectados

luns, 22 de febreiro do 2016 Marcus Fernández

Durante os últimos anos os automóbiles inclúe un porto OBD II (situado normalmente baixo o volante) que facilita información do vehículo, que pode procesarse dixitalmente, o que Samsung decidiu aproveitar para presentar unha solución de seu, Samsung Connect Auto, que achega alertas en tempo real para favorecer unha condución segura, incrementa o aforro de carburante e incluso pode funcionar como punto de acceso Wi-Fi para que os pasaxeiros poidan ter conexión á Rede nos seus trebellos durante as viaxes.
Este accesorio chegará ao mercado no segundo trimestre do ano, e pretende facilitar a integración entre móbil e automóbil, que irá evolucionando nos vindeiros anos segundo vaia converténdose en realidade a Internet das Cousas e sexa máis frecuente a comunicación entre máquinas, o que no caso dos vehículos achegará vantaxes en moitos ámbitos (entre os que destaca a seguridade).

PUBLICIDADE