SIVSA renova as licenzas FileNet da Deputación de Pontevedra
mércores, 27 de febreiro do 2019
A
Deputación de Pontevedra, por terceiro ano consecutivo, vén de
confiar na empresa galega SIVSA, con sede en Vigo en centrada no
subministro de tecnoloxías dixitais avanzadas, en relación á
renovación das licenzas para a xestión de contidos FileNet. A
firma TIC resultou adxudicataria do contrato para este ano 2019, que
inclúe unha contía de 27.764,66 euros. O contrato abrangue
tamén o servizo de soporte.
Segundo
informa SIVSA, “a actuación é fundamental para o traballo diario
da institución, xa que o software FileNet permite almacenar e
clasificar a documentación para que os usuarios, xa sexa persoal do
organismo público ou cidadáns da provincia, poidan atopar a
información que buscan de forma rápida e cómoda”. Amais, informa
a empresa, o software pon en xogo vantaxes como a posibilidade de
realizar procuras por criterios, de dispor dun histórico de accións
realizadas nos documentos ou de facer a lectura dun mesmo arquivo por
varios usuarios á vez e desde distintas localizacións. Ademais,
posibilita a automatización de procesos e reduce o tempo de procura
e a perda de información causada pola deterioración física do
documento.