Router Wi-Fi con soporte para modems 3G

xoves, 30 de abril do 2009 Marcus Fernández

Os usuarios que queiran conectar varios equipos por Wi-Fi á Internet, pero non conten con cobertura de ADSL ou cable, poden optar polas comunicacións 3G para esta tarefa, resultando de grande utilidade para iso o router LevelOne MobileSpot, que conta cun porto USB para conectar un modem 3G, e así compartir este acceso á Rede entre varios equipos. Amais, este router tamén conta con porto Ethernet, de xeito que tamén serviría, coma un router neutro (por exemplo, para conectar a un cablemodem). Incluso existe a posibilidade de conectar á Rede por cable, e no caso de que fallase tal conexións, empregase o modem 3G coma respaldo (o que sería de moita utilidade no caso de ter contratado un acceso á Internet pouco estable).
O dispositivo mide 12,9 x 12,4 x 3,2 milímetros e o seu prezo é de 149 dólares (119,49 euros) o que parece un tanto elevado se temos en conta que moitas das súas funcionalidades son posible en routers que na actualidade hai no mercado por uns 80 euros.

PUBLICIDADE