Reprodutor multimedia inspirado nos trigravadores de Star Trek

martes, 18 de agosto do 2009 Marcus Fernández

Nas últimas décadas non foron poucas as réplicas de accesorios da serie de televisión Star Trek que puxeron á venda nos EE.UU. para aproveitar o pulo deste clásico da ciencia ficción. Chaveiros, mandos a distancia para o garaxe, walkie-talkies e trebellos semellantes puxéronse á venda en todo este tempo, pero poucos chegaron ao nivel avanzado do Tricorder PMP, un reprodutor multimedia portátil coa forma dun trigravador da serie, cunha pantalla de 2,8 polgadas, 8 Gb de almacenamento interno, autonomía para a reprodución de 12 horas de música e 4 de vídeo, e compatible con ficheiros en MP3, MP4, AVI, JPEG, BMP e WAV.
Venden 6 modelos distintos, para adaptarse a distintas épocas da franquía televisiva (e a distintos usos) partindo dun prezo de venda de 349 dólares (246,79 euros).

PUBLICIDADE