Ravensworld: Shadowlands e Carmageddon para Android inclúense nun novo Humble Bundle

mércores, 25 de setembro do 2013 Marcus Fernández

A iniciativa solidaria The Humble Bundle estrea hoxe un lote de videoxogos para dispositivos móbiles co sistema operativo Android aos que podemos acceder pagando a vontade para obter 4 dos seus títulos e, pagando máis da media, conseguir os 6 títulos que conforman esta promoción que destina parte dos seus ingresos ás asociacións Fronteiras Electrónicas (EFF) e Child’s Play Charity.
Os xogos incluídos neste Humble Mobile Bundle 2 son os modestos Punch Quest, Bloons TD 5, Time Surfer e Star Command (estes dous últimos debutando en Android) aos que acompañan un par de título de grande peso: o RPG de acción Ravensworld: Shadowlands e o violento xogo de carreiras de coches Carmageddon. Todos estes xogos veñen libres de DRM e inclúen a descarga da súa banda sonora orixinal (agás Carmageddon).