RTVE estrea aplicacións para televisores conectados
luns, 19 de decembro do 2011
- Presentación das novas aplicacións de RTVE
Radio Televisión Española, continuando na súa aposta polos
novos soportes, presentou
as súas solucións para dispositivos de televisión conectados, ou sexa, que
os televisores con acceso á Internet terán agora tamén acceso aos contidos á
carta dispoñibles en RTVE.es dun xeito doado, grazas en boa medida á adopción
do estándar HbbTV (Hybrid Broadcast Broadband TV) apoiado polas principais
canles públicas europeas.
Deste xeito, que teña un televisor con acceso á Internet de fabricantes como
Samsung ou Sony (ou mesmo a través de reprodutores de Blu-ray conectados),
poderán facer uso de aplicacións que abrirán o acceso aos contidos de RTVE.es,
coa comodidade do mando a distancia.
- A Xbox 360 recibe os contidos de RTVE.es dende que actualizou o seu Dashboard
Este xeito de levar os contidos á carta de
RTVE ao salón non só pode facerse a través de televisores, senón que agora tamén
é posible utilizar as consolas de videoxogos para establecer unha ponte entre a
Internet e o televisor.
Para redondear esta estratexia multiplataforma, RTVE tamén leva tempo
facilitando o acceso aos seus contidos dende dispositivos móbiles, de xeito que
o número de pantallas dende as que recibir a radio e a televisión cada vez é
máis amplo.
- Para espallar os seus contidos á carta RTVE adoptou o estándar HbbTV
- Os contidos á carta de RTVE poden recibirse a través da Xbox 360