RNE, COPE e SER potenciarán a Onda Media

Receptor de radio dixital

Radio Nacional de España, a COPE e a SER chegaron a un acordo no que baixo o nome Impulsa Onda Media Digital se comprometen a potenciar a difusión e recepción das emisións de Onda Media (AM) en todo o territorio nacional.
As canles radiofónicas tamén acordaron dixitalizar nun futuro próximo as súas actuais frecuencias en Onda Media para mellorar a eficacia e receptividade das emisións nesta banda de frecuencias.
As compañías desenvolverán campañas publicitarias para promocionar a radio en AM e premiarán aos fabricantes de automoción e de elementos de son que apoien as emisións deste tipo e solicitarán á Administración de Telecomunicacións que impulse calquera tecnoloxía dixital que permita simultanear as emisións dixitais coas actuais emisións analóxicas.