R-Type Dimensions chegará a Switch e PC no inverno
mércores, 5 de setembro do 2018
En 2009 os usuarios de
Xbox 360 tiveron a fortuna de poder gozar de R-Type Dimensions, fusión dos xogos R-Type e R-Type II que
presenta 14 fases que poderán percorrerse cos gráficos orixinais ou cunha
aparencia gráfica renovada. Este magnÃfico shoot’em
up ou matamarcianos de
desprazamento lateral chegou a
PlayStation 3 en 2014 e agora Tozai Games anuncia que vai
adaptalo a Nintendo Switch e PC (Steam), o que é unha magnÃfica nova para
quen queira recuperar a experiencia de dous grandes xogos de 1987 e 1989.
AÃnda que a versión de Xbox 360 é retrocompatible con Xbox One, ou sexa, que
pode xogarse na actual consola de Microsoft, R-Type Dimensions era actualmente un xogo cunha dispoñibilidade moi
limitada (xa que a versión de PS3 non pode xogarse en PS4) e que vaia ter
versión para Switch e PC daralle unha nova vida.
O novo R-Type Dimensions será como as
entregas anteriores, ou sexa, que terá as 8 fases de R-Type e as 6 de R-Type II,
permitirá gozar do xogo con gráficos 2D ou 3D (conmutables durante o xogo),
replicará aos xogos de recreativa no seu modo clásico e tamén contará cun modo
infinito. Presentarase en sociedade durante o Toky Game Show e sairá á venda no
inverno.
Tráiler do R-Type Dimensions de Tozai Games