PuntoGal e a Asociación Galega de Deseño asinan un convenio de colaboración
martes, 20 de outubro do 2020
O presidente da Asociación PuntoGal, Manuel González González e a presidenta da Asociación Galega de Deseño (DAG), Irene GarcÃa Reyes, asinaron un convenio de colaboración mediante o cal a DAG se compromete a dar cobertura ás actividades realizadas por PuntoGal para promover a utilización do dominio a través dos seus órganos de expresión. Ademais, e grazas a este acordo, as asociadas poderán obter un dominio .gal a prezos reducidos. A sinatura realizouse de xeito telemático.
PuntoGal e a DAG
PuntoGal, que supera os cinco mil cincocentos dominios
rexistrados, vai continuar a promover este tipo de convenios fundamentalmente «en
proxectos asociativos relacionados coa cultura e a tecnoloxÃa, eixos centrais
da nosa actuación, que como a DAG, contribúen ao desenvolvemento de proxectos
de repercusión global», en palabras do director xeral da PuntoGal, DarÃo
Janeiro.
Para Janeiro «os deseñadores e os estudos de deseño
representan un papel central na internet galega, nun momento no que non hai
proxecto cultural ou comercial que se poida manter desconectado. Para facilitar
o seu traballo, as asociadas obteñen dominios a un prezo máis reducido, co
obxectivo de propagar o seu uso o máximo posible».
Pola súa banda, Irene GarcÃa quixo agradecer a colaboración
de PuntoGal nunha iniciativa que «afonda nas relacións entre asociacións con
obxectivos comúns, na procura de visibilidade e nunha clara aposta polo valor
do noso». GarcÃa tamén salientou que «un dos obxectivos da DAG é crear canles
de comunicación novas que fomenten as vantaxes para asociadas» e que «a
sinatura deste convenio amplÃa tamén as oportunidades para chegar a máis
profesionais».
O convenio entrambas entidades inclúe a posibilidade de que
as asociadas da DAG poidan mercar un dominio .gal ao prezo reducido de 13 euros
máis IVE. Para facer efectiva a oferta, terán que utilizar códigos promocionais
a través dos rexistradores que colaboran na promoción, Dinahosting e Entorno
Digital.