Pro Evolution Soccer 2018 sairá á venda o 14 de setembro

xoves, 18 de maio do 2017 Marcus Fernández

A franquía de xogos de fútbol de Konami vén de abrir a reserva da súa vindeira entrega, de xeito que xa podemos pasar por caixa para facernos con Pro Evolution Soccer 2018 para Xbox One, PlayStation 4 e PC, aínda que aboar 59,99 euros non impedirá que haxa que agardar até o 14 de setembro para poder gozar do novo xogo, aínda que como premio á fidelidade recibirase contido exclusivo (2 axentes premium partner de myClub, un axente UCL de myClub e un axente exclusivo de myClub).
O PES 2018 contará con xogabilidade mellorada, engadíndose a protección do balón para un maio control e o Real Touch+, que engade unha nova dimensión ao control do balón. A fluidez do balón tamén revisouse e incluíuse un novo sistema de penaltis e saques de falta. E unha vez máis tamén se mellorou o xogo para un maior realismo (en boa medida grazas ao uso de Real Capture, tecnoloxía que achegará un nivel de detalle do estadios fiel á realidade, e da captura de movemento dos xogadores).
O cooperativo en liña recuperará a posibilidade de xogar 2 contra 2 e 3 contra 3 (compatible coa invitación dun xogador localmente).
Aparte das plataformas de xogo mencionadas, o PES 2018 tamén estará dispoñible para Xbox 360 e PlayStation 3, aínda que estas versións non contarán coas grandes melloras das consolas da actual xeración.

Real Capture achegará uns estadios moi realistas

Tráiler de adianto de Pro Evolution Soccer 2018

PUBLICIDADE