Preto dun cento de empresarios galegos participaron nun obradoiro sobre marketing dixital
xoves, 17 de novembro do 2016
- Cristina Hernández, Daniel Miguel e Victoria Barreiro
Preto dun cento de PEME galegas participaron esta tarde nun
dos catorce obradoiros formativos presenciais que BBVA e Google están a
impartir en diferentes capitais españolas durante 2016. A xornada forma parte
do proxecto de Google Activa o teu
negocio, no que participa BBVA e cuxo obxectivo é mellorar as capacidades
dos empresarios en materias como comercio electrónico, analÃtica web ou redes
sociais.
O obradoiro presencial desta tarde na Coruña compleméntase
con 23 módulos en liña, desenvolvidos por expertos en tecnoloxÃa e competencias
dixitais do IAB.
Daniel Miguel, director de Zona de BBVA en Galicia Norte,
afirmou que a entidade financeira apoiou este proxecto formativo porque «estamos
ante un cambio de comportamento do cliente sen precedentes. O cliente actual é
máis esixente e aquelas empresas que estean máis formadas en mercadotecnia en
liña poderán adaptarse e ter unha vantaxe competitiva».
Pola súa banda, Cristina Hernández , coordinadora do
proxecto Activa o teu Negocio de
Google, comentou que «tras os bos resultados alcanzados co programa ActÃvate,
grazas ao que formamos a máis de 150.000 mozos en competencias dixitais e
emprendemento, puxemos en marcha Activa o
teu Negocio xunto a BBVA para axudar ás pequenas e medianas empresas a
optimizar a súa presenza e participación online. A través desta plataforma
ofrecemos formación gratuÃta presencial e en liña e ensinamos as ferramentas
que axudarán aos negocios no seu camiño cara ao éxito dixital».