PortalProgramas.com doa 500 euros para impulsar o OpenOffice
mércores, 17 de febreiro do 2010
PortalProgramas.com, o portal de descarga
de software para Windows que a finais de 2009 levou a cabo un concurso para
atopar o mellor software libre de 2009 para a comunidade internauta, vén de entregar
o primeiro
premio ao proxecto OpenOffice.org, como un dos mellores programas de
software libre da actualidade segundo os propios usuarios.
A entrega de premios da primeira
edición do concurso congregou a máis de 12.000 usuarios que, segundo
afirman dende a organización do mesmo, “fixeron
un total de 17.314 votos” para destacar os mellores programas libres entre
os máis de 900 que ofrece o portal.
As aplicacións gañadoras, como era de
agardar, foron as populares Ares, Firefox, eMule e OpenOffice, pero tamén
outros programas como o 7zip, Gimp ou InfraRecorder, que non son tan coñecidos
entre a comunidade internauta, recolleron moitos votos.
O valor que aporta este concurso, segundo
informan dende PortalProgramas, é “atopar
software libre que outros usuarios recoñeceran como útil e de calidade”;
así, na listaxe dos 40 mellores programas de software libre hai unha oferta moi
variada e de calidade.
Un dos programas que máis destacou no
concurso foi a suite ofimática OpenOffice, que recibiu
unha doazón de 500 euros.
Un dos seus responsables, Alexandro
Colorado, agradecéulle á organización do concurso o seu apoio financieiro, xa
que lle permitirá seguir mantendo e desenvolvendo a aplicación, así como
mantela no nivle de competitividade que os usuarios esperan”.
Benjamín Segura, o responsable de
comunicación de PortalProgramas.com engadeu, pola súa parte que, “os usuarios desta web poden sentirse
orgullosos de ter aportado o seu gran de area ao software libre porque esta
aportación foi posible grazas a que eles se mobilizaron para destacar o valor
que aporta o software libre”, neste caso o OpenOffice.