Pontevedra achega unha decena de obradoiros tecnolóxicos para a mocidade no verán
martes, 15 de xuño do 2021
O
Concello de Pontevedra, a través do edil de Xuventude, Alberto
Oubiña, presentou os días pasados a súa oferta de actividades de
formación, lecer e conciliación para o verán, un programa moi
centrado nas novas tecnoloxías e nas súas vertentes máis creativas
e participativas. A
nova edición de Ponteverán está dirixida a mozos e mozas con
idades comprendidas entre os 8 e os 35 anos e, aínda que son de
balde, é necesario inscribirse en apuntate.pontevedra.gal.
Amais da vertente tecnolóxica, que se traduce nunha decena de
obradoiros, o programa apóiase noutras dúas gran patas: a natureza
e a arte.
O
concelleiro lembrou que Ponteverán volve un ano máis para “encher
a cidade de actividades específicas para a mocidade, ofrecendo
espazos para socializar, coñecer xente nova, facer novas amizades e
desfrutar de todo o que ofrece a cidade e o verán”.
Asegurou
que, ademais de dous minicampamentos, esta edición se centra en
obradoiros relacionados coas novas tecnoloxías por “tratarse dun
ámbito que vén espertando un gran interese ao longo de edicións
pasadas ao tempo que é un nicho de mercado de futuro e presente”.
A
primeira das actividades comezará o 1 de xullo, e será o obradoiro
artístico de creación audiovisual Reflexións, e a última
terá lugar o 28 de agosto, que será a Celebración da Noite Europea
dos Morcegos.
A
continuación damos conta da programación polo miúdo:
-Minicampamentos:
Multiaventura
Ollo Pontevedra que vamos (8-16 anos) (2-6 agosto)
Regreso
á prehistoria (11-14 anos) (2-4 agosto)
-Obradoiros
Artísticos
Creación
audiovisual Reflexións (14-17 anos) (martes e xoves: 1, 6, 8,
13, 15, 20, 22, 27 e 29 xullo)
Mural
artístico colectivo “Eduardo Pondal” (12-35 anos) (5-9 xullo)
Poesía
expandida, creación artística e arte-factos poéticos (8-13 anos)
(19-23 xullo)
Graffiti
no Gafos (12-35 anos) (26, 27 e 29 xullo)
-Obradoiros
de tecnoloxía e informática
Impresión
3D (8-12 anos) (5, 6, 7, 8 e 12 xullo)
Programación
de aplicacións para móbiles(12-18 anos) (13, 14, 15, 19 e 20 xullo)
Holografía
e VR (8-12 anos) (21, 22, 26, 27 e 28 xullo)
Robótica
(8-12 anos) (2, 3, 4, 5 e 9 agosto)
Robótica
(13-18 anos) (2, 3, 4, 5 e 9 agosto)
Programación
de videoxogos (8-12 anos) (10, 11, 12, 16 e 17 agosto)
Programación
de videoxogos (13-18 anos) (10, 11, 12, 16 e 17 agosto)
Informática:
Windows 10 (12-35 anos) (ma-mé-xo do 6 ao 29 xullo)
Informática:
seguridade na Rede (12-35 anos) (ma-mé-xo do 3 ao 26 agosto)
-Natureza
e aire libre
Paddle
surf no Lérez (iniciación) (15-35 anos) (17 xullo)
1º
Curso de iniciación ao piragüismo (9-15 anos) (6,9,13 e 16 xullo)
2º
Curso de iniciación ao piragüismo (9-15 anos) (20, 23,27 e 30
xullo)
Xincana
de orientación nocturna (a partir dos 15 anos) (30 de xullo)
Observación
astronómica no miradoiro de Verducido (a partir de 12 anos) (31
xullo)
Observación
astronómica A vida dunha estrela nunha noite (18-35 anos) (13
agosto)
Celebración
da Noite Europea dos Morcegos (a partir dos 8 anos) (28 agosto)