Philips presenta un móbil con Android 4.0 e batería de 2.400 mAh

Nun principio o fabricante neerlandés Philips limita o seu catálogo de teléfonos a terminais domésticos sen fíos, polo que sorpréndenos ver que se atreven a entrar no mercado móbil en China co seu terminal Philips W732, un móbil con Android 4.0, procesador a 1 GHz, pantalla IPS de 4,3 polgadas cunha resolución de 800 x 480 píxeles, cámara de 5 Mpíxeles, conectividade HSDPA (de ata 7,2 Mbps) e dobre SIM (detalle polo que é de agardar que non o vexamos comercializado en España) que sorprende por contar cunha batería de 2.400 mAh, que podería convertelo nun dos smartphone con maior autonomía (aseguran que pode aguantar ata 10,5 horas navegando pola web).
Philips xa conta no mercado chinés co seu terminal W632, de prestacións semellantes, pero cunha pantalla de 3,8 polgadas e sistema operativo Android 2.3; que acadou certo éxito comercial tras o seu lanzamento en maio.