Panasonic presenta cámaras con sensor 3MOS capaces de gravar a 1.080p a 60 fps

O catálogo de cámaras de vídeo compactas de Panasonic vén de incorporar novos modelos de cámara que destacan por utilizar un sistema de sensores 3MOS e ser as primeiras en gravar ata a 1.080p a 60 fotogramas por segundo, o que resulta abraiante para uns dispositivos que non pertencen á liña profesional.
A Panasonic HDC-HS700 conta cunha óptica de 35 mm de Leica, zoom de 12 x, disco duro de 240 Gb e fenda para tarxetas SD, mentres que a HDC-TM700 substituiría o disco duro por unha unidade de memoria sólida de 32 Gb e a HDC-SD700 prescindiría da memoria interna (gravando só en tarxetas SD/SDHC e SDXC de ata 64 Gb).
Estas novas cámaras son capaces de tomar imaxes fixas de 14,2 Mpíxeles, gravan son envolvente 5.1 grazas aos seus 5 micrófonos integrados e deberían chegar ao mercado británico o 1 de marzo aos seguintes prezos: 1.199,99 libras (1.366 euros) a HDC-HS700, 999,99 libras (1.338 euros) a HDC-TM700 e 899,99 libras (1.025 euros) a HDC-SD700.