Os universitarios vigueses poderán descargar as clases en MP3

Os alumnos da Universidade de Vigo, sobre todo os que frecuentan as cafeterías, as alamedas, os parques ou os cibercafés en horario lectivo, xa non terán que preocuparse de procurar de xeito desesperado e a última hora os apuntes daquelas materias e clases ás non puideron asistir (ou non lles dou a gana).
Agora, a institución académica vén de dar un gran paso cara ó futuro e ofrece clases orais de toda a vida en arquivos MP3 para levar e escoitar tantas veces como sexa preciso, coma se dun disco de moda se tratase.
Polo de agora só se ofrecen catro materias neste formato, aínda que co tempo iranse incorporando á iniciativa novas materias de primeiro e segundo ciclo, que facilitarán en gran medida a vida dos estudantes.
Os impulsores do proxecto, se cadra temerosos de que as aulas acaben por baleirarse de xeito definitivo, aclaran que a información que conteñen os arquivos só serve para seguir certas asignaturas, xa que é complementaria e en ningún caso estes novos formatos poderán substituír ás clases presenciais, algo que se verá co tempo.