Os riscos dun mal uso de Internet, a debate hoxe en Ponteareas
luns, 25 de febreiro do 2013
A
preocupación sobre o mal uso que se lle poden tirar ás tecnoloxías
entre as novas xeracións segue a orixinar demandas concretas de
asesoramento, consellos e recomendacións, especialmente dirixidas
para nais e pais pero tamén para titores e profesorado. Hoxe
de febreiro, a partir das 19.00 horas, tratarase de resolver dende
Ponteareas unha boa cantidade de dúbidas ao respecto, facéndose
fincapé na principal das medidas a tomar: axudar aos nosos fillos ou
alumnos a navegar nas redes do mesmo xeito que lles axudamos noutras
moitas cousas da vida. A cita Perigos
de Internet,
que ten feitura de charla, celebrarase no salón de actos do IES Val
do Tea, e vén da man da Federación de Asociacións de Nais e Pais
de Centros de Ensino Públicos de Ponteareas (FANPO).
O
relator da actividade será Gonzalo Sotelo, responsábel do Equipo de
Investigación Tecnolóxica da Comandancia da Garda Civil de
Pontevedra, Garda Civil da Unidade Orgánica de Policía Xudicial da
Garda Civil de Pontevedra, e dende hai varios anos participante no
Plan Director para a Convivencia e Mellora da seguridade Escolar.
Con
este acto, a FANPO pretende convidar a tódolos pais e nais, persoal
docente e calquera persoa interesada da comunidade educativa de
Ponteareas e a súa comarca, “a fin de que se teña información
de abondo sobre este tema e participar, despois do relatorio, nun
pequeno coloquio onde o público exporá as súas inquietudes ou
preguntas”.