Os nosos expertos en aprendizaxe máquina teñen até o día 20 para enviar contribucións ao cuarto MLWG
venres, 6 de setembro do 2019
O
prazo para a achega de traballos á cuarta edición do Machine
Learning Workshop Galicia estará aberto até o 20 de setembro.
Segundo informa a organización do evento (o CITIC e maila Facultade
de Informática da Coruña), aceptaranse dous tipos de contribucións,
tanto se proceden do ámbito académico (artigos que describan novos
métodos ou que avalíen as técnicas máis novas existentes) como do
empresarial (artigos aplicados que mostren casos de éxito en métodos
de aprendizaxe automática para solucionar problemas concretos da
industria). A
cuarta edición do MLWG celebrase o 17 de outubro na FIC.
Ás
súas costas, o evento ten os mellores precedentes, non só polas
temáticas a tratar (a aprendizaxe máquina é hoxe un referente en
calquera eido do coñecemento), senón pola importante repercusión
das anteriores edicións: despois do éxito cultivado en Santiago de
Compostela (WGML2016
e WGML2017)
e Vigo (WGML2018), con múltiples relatorios e máis de 100
participantes entre investigadores e empresas en cada unha delas, o
WGML chega agora á súa cuarta edición.
Segundo
informa o CITIC, o evento servirá de punto de encontro para a
industria e a comunidade investigadora con interese nas tecnoloxías
asociadas ao ámbito da aprendizaxe máquina, un eido da Intelixencia
Artificial que se converteu “nun referente en case calquera ámbito
de investigación”, debido, sobre todo, ao afianzamento das
tecnoloxías Big Data (análise da información a gran
escala), a mellora nos algoritmos de aprendizaxe e a aparición do
Deep Learning (aprendizaxe profunda).
O 2
de setembro abrirase o rexistro de asistencia, que pechará o 12 de
outubro.
A
edición do ano pasado
O
Machine Learning Workshop Galicia 2018 foi un dos grandes eventos do
ano no ámbito das máquinas pensantes e con capacidade de tomar
decisións. A cita desbordou finalmente as previsións de asistencia
e repercusión: celebrada na sede de Afundación en Vigo, contou coa
participación de 170 asistentes, entre especialistas de
universidades e centros de investigación e profesionais de empresas.
O
simposio, que naceu hai catro anos froito da colaboración entre
outros tantos centros de investigación referentes na nosa terra (o
centro AtlantTIC da UVigo, o Centro de Supercomputación de Galicia,
CESGA; o CITIC da UDC e o CiTIUS da USC), serviu entre outras cousas
para pór de relevo a ampla potencialidade do Machine Learning,
un ámbito de investigación que se centra en crear programas capaces
de xeneralizar comportamentos nas computadoras, é dicir, que fai
realidade a aprendizaxe de pautas para rendibilizar e mellorar cousas
como sistemas de busca, análise de textos, análise de redes
sociais, recoñecemento de obxectos e facianas, procesado do ADN,
recoñecemento da fala, analítica de datos médicos ou aplicacións
para a intelixencia do negocio.