Os nosos desenvolvedores Python farán fronte común na nova edición do PyDay Galicia
venres, 5 de maio do 2017
- Participantes na primeira edición do PyDay Galicia, o ano pasado
O
vindeiro 10 de xuño vaise celebrar nas instalacións do museo MARCO
de Vigo un evento que é tecnolóxico, de natureza libre (por formato
e por contido) e eminentemente dinámico e práctico. Trátase
do PyDay Galicia, unha xuntanza quere servir de escenario para
que as nosas comunidades de desenvolvedores Python mostren o variado
e vizoso potencial desta linguaxe aberta de programación. Haberá
charlas, citas, encontros e obradoiros, todo de balde e todo
dirixido, especificamente, a fomentar a difusión de coñecemento e a
promoción da cultura tecnolóxica.
O
PyDay vén da man das comunidades de Python de todo o mundo. De
feito, celebrarase de maneira simultánea, nesa mesma data, nunha
chea de localidades dunha manchea de paÃses. Da edición galega
vaise ocupar o grupo de Python Vigo. Segundo lembran, a primeira
edición do encontro foi un éxito de participación e de resultados.
O
evento está na súa fase aceptación de charlas e participantes polo
que os interesados en colaborar dun modo máis activo están
convidados a mandar a súas propostas. Como novidade nesta edición,
a organización apunta que contará con dúas pistas de conferencias,
para todos os niveis, e obradoiros para tódalas idades sobre
diversas tecnoloxÃas.
Segundo
lembran dende Mancomún, este chamamento chega acompañado do
anuncio da creación en Vigo do agregador dos diferentes citas
tecnolóxicas da cidade, Vigotech
Alliance, no que participan as dez asociacións máis
referenciais de desenvolvedores e técnicos TI da cidade e a súa
contorna. Son as que citamos deseguido: Agile
Vigo, Codesign
Project, GDG Vigo,
Grupo
de Usuarios de Joomla de Vigo, JavaScript
Vigo, PHPVigo, PythonVigo,
SysAdmin
Galicia, VigoJUG e
VigoLabs.