Os centros de secundaria xa poden inscribirse nas Aulas Newton impulsadas pola Tecnolópole, GAIN, FIRST e Boeing
venres, 15 de outubro do 2021
A
multinacional Boeing e a organización sen ánimo de lucro FIRST
Scandinavia, en colaboración coa Xunta de Galicia (a través de
GAIN, a Axencia Galega de Innovación) e a Tecnópole de Ourense,
poñen en marcha a finais de mes no Parque Tecnolóxico de Galicia
(San Cibrao das Viñas, Ourense) a primeira Aula Newton permanente de
España. O obxectivo de GAIN coa súa participación neste proxecto é
dar un novo paso á hora de estimular as vocacións
científico-tecnolóxicas da mocidade, para contar, o día de mañá,
“cun capital humano ilusionado e capacitado”.
Esta
infraestrutura estará orientada a que estudantes de entre 14 e 16
anos se acheguen ás materias de Ciencia, Tecnoloxía, Enxeñaría e
Matemáticas (STEM) e que o fagan ademais “dun xeito innovador”,
empregando equipos de alta calidade, colaborando, debatendo e
divertíndose. A inscrición para os centros de ensino secundario
galegos xa
está aberta e pode facerse en liña na web das Aulas Newton,
onde tamén figura o calendario de actividades e outras informacións.
A
Xunta apoia esta iniciativa no marco do programa Voando alto,
sumando vocacións do Polo Aeroespacial de Galicia, que busca
impulsar o talento xuvenil STEM poñendo o foco no eido aeroespacial,
en colaboración coas empresas Boeing, Indra e Babcock, o Instituto
Nacional de Técnica Aeroespacial (INTA) e o Centro de Investigación
Aeroportada de Rozas (CIAR).
A
Aula Newton móbil que recalou en Lugo en 2019 reuniu a preto de 1200
asistentes.