Os centros de ensino públicos galegos poderán acceder de balde a Office 365
luns, 10 de xuño do 2019
Todos os centros educativos públicos de Galicia terán acceso
o vindeiro curso de forma gratuÃta á plataforma Office 365 de Microsoft, que
inclúe a ferramenta de colaboración Microsoft Teams, beneficiando a máis de
280.000 alumnos e máis de 28.000 docentes que poderán acceder a esta plataforma
en galego e español, grazas a un acordo entre a Xunta e Microsoft. Esta
plataforma educativa na nube proporciona unha contorna de aprendizaxe segura e
innovadora e dota aos alumnos de habilidades dixitais, como a colaboración,
creatividade e o pensamento computacional, claves para facer fronte aos
requirimentos laborais propios da era dixital.
O
acordo de colaboración foi rubricado esta mañá en Santiago, pola
conselleira de Educación, Universidade e Formación Profesional, Carmen Pomar; a
directora da Axencia para a Modernización Tecnolóxica de Galicia (AMTEGA), Mar
Pereira; e a presidenta de Microsoft España, Pilar López.
A Xunta e Microsoft tamén colaborarán para completar a
formación nos ciclos de Formación Profesional da familia de Informática e
Comunicacións, poñendo ao dispor dos 27 centros públicos nos que se imparten
estes ciclos, plataformas e ferramentas de Microsoft que permitirán a máis de
3.000 alumnos traballar con programas e aplicacións presentes no mercado e
demandados no sector profesional
Adicionalmente, como medida de acompañamento, os máis de 360
profesores destes ciclos de FP recibirán formación especializada, impartida por
profesionais de Microsoft en colaboración con partners do ecosistema
dixital galego.
Incrementar as competencias dixitais
Durante a súa intervención Carmen Pomar sinalou que un dos
eixos do modelo educativo galego é a integración real das TIC no ensino
asegurando que «o noso alumnado é nativo dixital e temos a responsabilidade de
implantar un ensino tecnolóxico que combine os equipamentos coa adquisición de
competencias cientÃficas». Neste sentido lembrou que o seu departamento está a
desenvolver a Estratexia STEM para fomentar entre o alumnado galego as
competencias en ciencias, tecnoloxÃa e matemáticas, ao tempo que se procura
romper a fenda de xénero nestas vocacións.
En relación ao acordo asinado hoxe, Pomar indicou que vai
estimular o desenvolvemento de actividades nas escolas relacionadas coas TIC,
ao tempo que se promoven actuacións de formación dos docentes, «posto que eles
son o piar básico da comunidade educativa e deles depende o aproveitamento
eficaz de todas estas novas ferramentas», engadindo que «estamos a facer unha
aposta seria pola educación, para fomentar un factor chave no seu éxito
colectivo, o capital humano, conscientes de que unha sociedade formada e
informada promove o progreso dun paÃs».
Pola súa banda Mar Pereira afirmou que este acordo «permÃtenos
ampliar o abano de ferramentas ofimáticas coas que traballan os alumnos dos
centros públicos galegos e as aulas Abalar, nas que a actividade educativa se
desenvolve con ofimática e sistemas operativos de código aberto e súmase ás
medias para consolidar unha educación integramente dixital».
Pilar López, presidenta de Microsoft Ibérica sinalou que «este
acordo é un magnÃfico exemplo da importancia de expor esquemas de colaboración
público-privados co obxectivo de preparar e capacitar aos estudantes e docentes
coas competencias que require a nova Sociedade Dixital».
O acordo asinado esta mañá súmase as medidas da Xunta para
consolidar unha educación integramente dixital, que facilite ao alumnado a
adquisición das competencias dixitais que require o contexto actual.