Os blogs de Patxi López e Manuel Rico, gañadores dos premios Enrique Padrós
xoves, 8 de xaneiro do 2009
A segunda edición dos premios Enrique Padrós ao mellor blog
político vén de facer públicos os nomes dos vencedores deste ano, que
resultaron ser Patxi López e Manuel Rico.
Logo dunhas “votacións
de auténtico infarto”, como as definen na web Neoratón 3.0, nas que cada membro do
xurado emitía o seu voto e deixaba o premio en mans de un ou outro finalista
distinto, O blog de Patxi Lopez e Trinchera
Digital, de Manolo Rico foron os
vencedores.
O blog de Patxi López é un blog en primeira persoa que
conxuga con habilidade os temas políticos, persoais e as súas pasións: a música
e a fotografía. Nel, o blogueiro achega novos formatos como o vídeo, ou as
redes sociais e aporta interesantes espazos de escoita e participación
horizontal.
O de Manolo Rico, por outra banda, é un blog directo, claro,
sinceiro e cun toque de “mala uva”
que o caracteriza.
Rico é redactor xefe de Nacional no diario Público e xa dera os seus primeiros
pasos nesto das bitácoras co blog Periodismo
Incendiario, que foi substituído agora polo premiado Trinchera Digital, un
novo proxecto coral no que diariamente “destila
todo o seu saber e humor”.
Os outros finalistas máis destacados que competían con López
e Rico e que estiveron a piques de facerse co primeiro premio foron: Alfreso Sánchez Monteseirín, Ernest Benach, Rafa G. Almazán e Antoni Gutierrez Rubi.
A entrega de premios terá lugar o vindeiro día 22 de xaneiro
ás 19:00 horas no hotel Dómine de Bilbao.