Os Samsung Galaxy M20 e M10 queren conquistar aos millennials

Tras facerse público a través de Amazon que Samsung ía lanza os seus novos Galaxy M na India eran moitas as miradas que se dirixían a estes teléfonos que poderían marcar a pauta do mercado, e por fin presentáronse oficialmente os smartphones Galaxy M20 e Galaxy M10, que aseguran que están enfocados a un público millennial, ao que ofrecen unha boa pantalla (cunha pestana superior con forma de V) e características atractivas como cámara dual con obxectivo grande angular, boa potencia e grande autonomía, así como a nova interface de usuario de Samsung.

Os novos terminais chegarán ao mercado da India o 5 de febreiro, ofrecéndose o Galaxy M20 con 4 GB de RAM e 64 GB de almacenamento interno a un prezo de 12.990 rupias (159 euros) e a 10.990 rupias (135 euros) a versión con 3 GB de RAM e 32 GB de almacenamento. Por outra banda, o Galaxy M10 aínda será máis económico, cunha versión con 3 GB de RAM e 32 GB de capacidade por 8.990 rupias (110 euros) e con outra con 2 GB de RAM e 16 GB de almacenamento por 7.990 rupias (98 euros).

O Samsung Galaxy M20 pode presumir de ser un dos móbiles máis atractivos do mercado no seu rango de prezo, presentando unha pantalla infinita de 6,3 polgadas cuns marcos moi reducidos, cunha pestana superior con forma de V moi característica e cunha resolución de 2.340 x 1.080 píxeles, un potente procesador Exynos 7904 de 8 núcleos, dobre SIM, lector de tarxetas de memoria de até 512 GB, cámara traseira dual de 13 e 5 Mpíxeles (tendo a segunda un angular de 120 graos, mentres que a primeira presume de apertura f/1.9 e modo retrato en tempo real), cámara frontal de 8 Mpíxeles con apertura f/2.0 e flash In-Display, desbloqueo facial e lector traseiro de pegadas dixitais e, como punto máis forte, unha batería de 5.000 mAh con carga de 15 watts por USB-C. Falamos dun móbil que sería capaz de reproducir máis de 28 horas de vídeo cunha única carga, e que con só 10 minutos de carga rápida podería reproducir vídeo durante 3 horas.

Vídeo promocional do Samsung Galaxy M20

O Samsung Galaxy M10 é moito máis modesto, cunha pantalla infinita de 6,22 polgadas con resolución HD+, coas mesmas cámaras que o seu irmán maior, cun procesador lixeiramente inferior, con desbloqueo facial pero sen lector de pegadas dixitais, e cunha batería de 3.400 mAh que promete unha boa autonomía pero que queda moi lonxe do que ofrece o M20.
Polo momento non sabemos de cando veremos estes móbiles en España, nin o prezo que terán, pero de manterse nunha liña semellante non sería de sorprender que o Galaxy M20 se convertese nun dos móbiles máis recomendados en 2019.