Elegante ordenador todo-en-un de Onkyo

martes, 10 de marzo do 2009 Marcus Fernández

Atendendo ao éxito que están a ter os ordenadores todo-en-un a compañía nipona Onkyo introduce esta semana no mercado un equipo cun deseño bastante elegante e unhas impresionantes prestacións que se vende por 179.000 iens (1.432 euros), descoñecéndose o prezo ao que podería chegar ao resto do mundo (xa que a actual apreciación do ien complica as exportacións).
Pero o Onkyo Sotec E702A9 non ten un prezo elevado por nada, xa que conta cunha pantalla de 21,5 polgadas cunha resolución de 1.920 x 1.080 píxeles (Full HD), procesador Code 2 Duo E7400, 2 Gb de RAM, disco duro de 500 Gb, lector Blu-ray 4x, sintonizadora de televisión e altofalantes de 8 W e base para o iPod (reprodutor que pode así utilizar directamente os devanditos altofalantes).

PUBLICIDADE