O xogo coruñés AR-K estará dispoñible a través de Steam
xoves, 23 de xaneiro do 2014
O estudio coruñés de videoxogos Gato Salvaje está a ultimar
o lanzamento do segundo episodio da súa ópera prima AR-K, para o que conseguiron
financiamento a través de Kickstarter, e que continúa a recibir boas novas,
pois veñen de confirmar que a
comunidade de Greenlight decidiu que o xogo vaia estar dispoñible a través de
Steam, o que supón un grande escaparate e unha magnÃfica plataforma de
distribución para esta aventura gráfica made
in Galicia.
Poder vender en formato descargable AR-K
a través de Steam fai que o tÃtulo desenvolvido por Gato Salvaje estea a un
clic de distancia dos 75 millóns de usuarios rexistrados en Steam. Nesta
plataforma de distribución de videoxogos espérase que AR-K estea dispoñible en breve con versión para PC, Mac e Linux.
Os que aÃnda non coñezan AR-K, poden
acceder a Desura.com, onde o seu primeiro episodio está dispoñible para a súa descarga de balde
nas súas versións para Windows e OS X, excelente oportunidade para afondar
na historia de Alicia Van Volish antes da inminente estrea do segundo episodio
do que podemos ver o seu vÃdeo promocional: