O proxecto galego Coperia bota man da IA para axudar ás persoas con COVID persistente
mércores, 30 de novembro do 2022
Ourense
acolleu este mércores 29 de novembro a presentación do Proxecto
Coperia, unha iniciativa innovadora baseada na Intelixencia
Artificial que busca poñer ao ao alcance da cidadanía as
ferramentas máis punteiras para a abordaxe da COVID persistente. No
acto participaron o conselleiro de Sanidade, Julio García Comesaña,
e máis o xerente da área sanitaria, Félix Rubial, que sinalaron
que asas secuelas da “COVID supoñen un desafío ao que temos que
facer fronte, e este proxecto servirá de estímulo para seguir
avanzando na súa abordaxe”.
Comesaña
salientou o esforzo que permitiu dotar a esta iniciativa dun
orzamento de máis de 700.000 euros, coa conseguinte implicación da
Axencia Galega de Innovación, co co-financiamento do programa
operativo FEDER Galicia 2014-2020, no eixo REACT-UE, como parte da
resposta da Unión Europea á pandemia da COVID.
Segundo
o conselleiro, Coperia promove o apoderamento dos pacientes “a
través de ferramentas que lles resulten útiles no seu día a día”.
Entre estes recursos destaca o uso de xogos para o móbil que
maximizan o seu adestramento, no tocante á rehabilitación
cognitiva.
Tamén
salienta un sistema innovador que contribúe á monitoraxe en remoto,
de cara á rehabilitación física, evitando desprazamentos ao centro
hospitalario. O proxecto ten entre outras capacidades a de aprender
aos usuarios a reportar un evento de fatiga para traballar na
predición do limiar de exercicio que pode producirlles o episodio.