O novo droide de Star Wars inspira un xoguete controlable co smartphone

luns, 20 de abril do 2015 Marcus Fernández

No filme Star Wars: El Despertar de la Fuerza fará acto de presenza nun novo droide que está a causar sensación, BB-8, que durante a semana pasada demostrou nunha convención en California que non estaba feito por ordenador, senón que era unha auténtico robot animatrónico, o que foi recibido con moito agrado, pois producións anteriores tiñan demostrado que interactuar con elementos físicos queda moito máis natural que con elementos xerados por ordenador.

JPEG - 49.5 KB
Modificación dunha Sphero por parte de Christian Poulsen

En vista diso, o deseñador industrial Christian Poulsen púxose mans á obra, e colleu unha Sphero (coñecido xoguete con forma de esfera que pode controlarse a través do móbil), incorporoulle un imán para poder adherirlle unha cabeza e pintou o obxecto, conseguindo replicar o BB-8 en miniatura, o que captou bastante atención a nivel mundial e, curiosamente, parece que a propia Sphero estaría a traballar na produción dun xoguete BB-8 baseado no mesmo concepto, para o que xa teñen unha páxina web na que os usuarios poden indicar o seu interese para recibir información sobre o mesmo, e incluso houbo unha tenda de xoguetes en liña que terían publicado accidentalmente a ficha do produto, que tería un prezo de 149,99 dólares (139,63 euros) e chegaría ao mercado o 1 de setembro, con tempo dabondo para anticiparse á estrea do filme de Star Wars (que non chegará á pantalla grande até decembro).

JPEG - 91.4 KB
Aparencia que previsiblemente terá o xoguete de Sphero inspirado en BB-8


O BB-8 de Christian Poulsen visto en vídeo

PUBLICIDADE