O mozo da mochila tamén denuncia que lle roubaron un baile en Fortnite
mércores, 19 de decembro do 2018
A polémica sobre o roubo
de bailes que Epic Games realiza no xogo Fortnite
non cesa, e tras recibir
denuncias do rapeiro 2 Milly e do actor e bailarÃn Alfonso Ribeiro, chega
agora o rapaz da mochila (The Backpack Kid) e presenta
tamén unha
denuncia pola incorporación en Fortnite
do baile chamado The Floss, que
este mozo puxo de moda en 2016, chegando incluso a converterse na estrela da actuación de Katy Perry no Saturday
Night Show en maio de 2017.
Este célebre baile formou parte do Pase de Batalla da segunda tempada de Fortnite estreada en decembro do ano
pasado, até o punto de que moita xente coñéceo como o baile de Fortnite, o que molestou ao rapaz da mochila por ver
como unha grande empresa estaba a tirar proveito económico da súa creación, sen
telo falado con el nin compensalo economicamente. Precisamente por iso o rapaz,
menor de idade, deixou o asunto nas mans da súa nai e do seu representante para
que leven a causa legal contra Epic Games, tal e como declarou ante TMZ: