O galego recibirá un pulo extra na comunicación dixital do noso fútbol
xoves, 8 de agosto do 2019
O
conselleiro
de Cultura e Turismo, Román RodrÃguez, e o presidente da Real
Federación Galega de Fútbol (RFGF), Rafael Louzán, veñen de
formalizar un acordo para impulsar a presenza do galego no devandito
deporte. Ao abeiro do convenio levaranse a cabo accións
concretas para promover a lingua na dita contorna como por exemplo
unha xornada de eficiencia na comunicación en galego para o alumnado
da escola de adestradores e a realización de material informativo na
nosa lingua.
Tamén
se porá o foco nas redes sociais: fomentarase o seu emprego nas
principais comunidades dixitais, nas páxinas web e nas publicacións
dixitais dos clubs adheridos á federación.
O
convenio tamén contempla ofrecer asesoramento aos clubs de Terceira
División para que coñezan os trámites necesarios para a
modificación do nome do club ao galego e a inclusión na Gala do
Fútbol Galego de actuacións de artistas galegos e da entrega dun
premio á promoción dos valores e da cultura galega.
O
investimento para realizar todas estas accións ao longo deste ano
ascende a 16.000 euros, dos que a Xunta de Galicia aportará 15.000
euros.