O ano que vén os Pokémon saltarán ao mundo real dende o noso móbil
xoves, 10 de setembro do 2015
A franquÃa de Pokémon vai saltar bastante lonxe das consolas
de videoxogos portátiles onde se fixo popular, dentro da nova estratexia de
Nintendo na súa aposta polos dispositivos móbiles, pero sen chegar a trasladar
a súas sagas de éxito, ou sexa, que non imos ter un Pokémon ordinario para
smartphones e tabletas, senón que en 2016 vai estar dispoñible para a súa
descarga de balde o xogo Pokémon GO,
que levará a diversión ao mundo real.
Este novo xogo para Android e IOS permitirá empregar localizacións reais nas
que os xogadores poderán atrapar, intercambiar e competir utilizando a
información xeográfica, de xeito que Ãnstase aos usuarios a percorrer os seus
barrios, comunidades e contorno habitual para descubrir criaturas Pokémon de
amigos e outros xogadores.
Temos asà unha experiencia que lembrarÃa a xogos como o español Invizimals
ou incluso o galego War of Sides, pero aproveitando o
mundo de Pokémon para atraer a unha grande masa de usuarios para animalos a
investir os seus cartos en compras dentro da aplicación (modelo de negocio predominante
actualmente no sector móbil).
Para este desenvolvemento Nintendo conta coa axuda de Niantic, compañÃa coñecida
polo xogo de realidade aumentada Ingress, que é todo un referente no sector, polo
que a combinación da súa experiencia no contorno móbil coa da compañÃa nipoa
nos xogos de consola pode levar a un grande éxito polo que aÃnda haberá que
agardar meses, e que, para ampliar a súa experiencia máis aló do móbil, contará
cun accesorio para smartphones, o Pokémon GO Plus, que enlazarase co smartphone
a través de Bluetooth para permitir executar accións (como atrapar un Pokémon
premendo un botón) e recibir notificacións (acendéndose e vibrando cando
teñamos un Pokémon preto).
VÃdeo promocional de Pokémon GO