O Tetris para a Nintendo 3DS chega mañá ás tendas

Non hai dúbida de que o xogo Tetris, creado por Alexey Pajitnov en 1984, está intimamente relacionado con Nintendo, por ser o impulsor da primeira Game Boy, e continuando a súa vida nas consolas portátiles da compañía nipona, este venres chega ás tendas españolas unha nova versión de Tetris, esta vez para a Nintendo 3DS, o que permite estrear modos de xogo inéditos nos que podemos gozar de imaxes estereoscópicas ou mesmo da realidade aumentada para tirar proveito deste clásico sempre aditivo.
Este primeiro Tetris tridimensional terá un prezo de venda recomendado de 29,95 euros, e aínda que tradicionalmente é un título deseñado para un ou dous xogadores, desta volta contará tanto con 5 modos de xogo local como con 3 modos de descarga para que poidan xogar á vez ata 8 persoas e mesmo conectarse en liña para competir co resto do mundo a través da Internet, utilizando os modos Tetris mundial e Batalla vs amigo.