O Solitario entra no Salón da Fama dos Videoxogos
venres, 3 de maio do 2019
Donkey Kong, Doom, Final Fantasy VII, Grand
Theft Auto III, The Legend of Zelda,
Pac-Man, Pong, Los Sims, Super Mario Bros., Space Invaders e Street
Fighter II son algúns dos xogos que forman parte do Salón da Fama dos Videoxogos
no museo The Strong en Rochester (New York), e estes dÃas están
a ampliar a colección con catro novos tÃtulos moi representativos do seu tempo,
como serÃan a aventura de texto Colossal
Cave Adventure de 1976, o polémico e violento xogo de loita Mortal Kombat de 1992, o imprescindible
para moitos Super Mario Kart (que
dende 1992 non para de ter revisións para novas consolas) e un dos xogos con
máis copias da historia, o Solitario
de Microsoft.
Quedaron fóra desta selección xogos tan relevantes como Candy Crush Saga, Centipede,
Dance Dance Revolution, Half-Life, Myst, NBA 2K, Sid Meier’s Civilization e Super Smash Bros. Melee, pero no caso do
Solitario é máis que comprensible a
situación, xa que o xogo de naipes de Microsoft, estreado en 1990 como parte de
Windows 3.0, pode considerase como un xogo ubicuo, presente en máis de mil millóns
de ordenadores e ao que xóganse uns 35.000 millóns de partidas ao ano.
Pero non só a súa dimensión de volume é importante, senón que o Solitario xogou un rol decisivo, ao
demostrar que existe un mercado de xogos para case calquera tipo de persoa, e
non só para gamers, polo que pode considerarse
o pioneiro dos xogos ocasionais que
tanto éxito teñen actualmente en dispositivos móbiles e nalgunhas consolas de
videoxogos.
Dende Microsoft celebran o recoñecemento cara a este xogo e lembran
que o 22 de maio é o DÃa Nacional do Solitario, conmemoración na que
celebran o dÃa no que incorporaron o xogo a Windows.
VÃdeo co que Microsoft celebra a incorporación do seu Solitario ao Salón da Fama dos Videoxogos