O Samsung UltraTOUCH presentarase no Mobile World Congress

luns, 9 de febreiro do 2009 Marcus Fernández

Durante a primeira metade de 2009 agardábase que Samsung achegase unha nova familia de teléfonos móbiles con pantalla táctil, e como grande expoñente desta renovación do catálogo da compañía surcoreana dan a coñecer o UltraTOUCH (S8300), que poderemos ver en breve no Mobile World Congress, e que contará cunha pantalla táctil AMOLED de 2,8 polgadas cunha resolución de 400 x 240 píxeles, teclado numérico deslizante, cámara de 8 Mpíxeles con flash LED, gravación de vídeo a 30 fotogramas por segundo a 640 x 480 píxeles, GPS, conectividade HSDPA a 7,2 Mbps, Bluetooth 2.0, radio FM e reprodutor de música e de vídeo en formatos DivX, Xvid, H.263, H.264, Windows Media Video 9 e MPEG-4.
O Samsung UltraTOUCH tería unhas dimensións de 110 x 51,5 x 12,7 milímetros, 80 Mb de memoria interna ampliable mediante tarxetas microSD de ata 16 Gb e utilizaría a interface TouchWiz para un doado manexo.

PUBLICIDADE