O Samsung Galaxy A7 preséntase como o smartphone con estrutura metálica unibody máis fino

luns, 12 de xaneiro do 2015 Marcus Fernández

Samsung parece ter conseguido certo éxito coa súa liña de smartphones con acabado premium, e continúa a reforzala, de aí que agora presenta o Galaxy A7, o teléfono da familia Galaxy máis fino cun grosor de só 6,3 milímetros, que aposta máis por un deseño elegante que por unhas especificacións moi elevadas, o que parece conectar ben cos consumidores.
O Samsung Galaxy A7 vén equipado cun procesador multi-núcleo que combina dous procesadores de catro núcleos, 2 GB de RAM, 16 GB de almacenamento interno (ampliable mediante tarxetas de memoria de até 64 GB), pantalla Super AMOLED de 5,5 polgadas, cámaras de 13 e 5 Mpíxeles, LTE, Wi-Fi N, Bluetooth 4.0, NFC, batería de 2.600 mAh e un peso de 141 gramos. Un dispositivo bastante modesto en prestacións, que chegará ao mercado a finais do presente trimestre a un prezo duns 509 euros, o que parece un prezo bastante contido para un terminal que, se ben non pode presumir das especificacións dun Galaxy S5 ou un Galaxy Note 4, si conta coa estrutura metálica unibody que lle dá o seu acabado de calidade e que pode presumir de ser o dispositivo deste tipo máis delgado do mercado (pois o grosor do iPhone 6 é de 6,9 milímetros). Polo momento está confirmado que contará con modelos con carcasa de cor negra, dourada ou branca, e con distintos procesadores en función do mercado no que se comercialice.

O Samsung Galaxy A7 terá versión en cor dourada

PUBLICIDADE