O LG Q Stylus preséntase como un móbil asumible con lapis dixitalizador

mércores, 6 de xuño do 2018 Marcus Fernández

Os amantes dos smartphones con lapis dixitalizador teñen como principal opción o Samsung Galaxy Note8, produto fóra do alcance de moitos consumidores por mor de estarmos ante un teléfono de alta gama, pero existen alternativas máis económicos como os novos LG Q Stylus, familia de móbiles de gama media que en tres configuracións diferentes busca adaptarse ao peto e as necesidades dun amplo abano de consumidores.
O LG Q Stylus funciona cun procesador de 8 núcleos a 1,5 GHz, ten unha pantalla de 6,2 polgadas cunha resolución de 2.160 x 1.080 píxeles, Wi-Fi N, Bluetooth 4.2, NFC, USB-C, radio FM, lector de pegadas dixitais, protección contra o po e a auga (IP68), batería de 3.300 mAh con carga rápida, sistema operativo Android 8.1, un grosor de 8,4 milímetros e un peso de 172 gramos que presenta 3 configuracións de memoria e cámaras diferentes. Temos así o LG Q Stylus+ con 4 GB de RAM e 64 GB de almacenamento interno (ampliable mediante tarxetas microSD de até 2 TB) cunha cámara traseira de 16 Mpíxeles e unha frontal de 8 ou 5 Mpíxeles con super grande angular; o modelo LG Q Stylus reduciría a RAM a 3 GB e o almacenamento interno a 32 GB de ROM; e finalmente o LG Q Stylusα baixaría tamén a cámara traseira a 13 Mpíxeles e a cámara frontal a 5 Mpíxeles.

PUBLICIDADE