O LG G3 contará cunha funda con fiestra circular

xoves, 22 de maio do 2014 Marcus Fernández

JPEG - 31.7 KB
A funda chegará ao mercado en 5 cores distintas

Adiantándose á presentación do LG G3 a semana que vén, o fabricante surcoreano LG amosa hoxe o que será un dos seus accesorios de maior utilidade, a funda QuickCircle, que é a típica funda protectora con tapa que integra unha fiestra para facilitar prestacións básicas do smartphone sen ter que retirarlle a protección da súa pantalla.
Esta funda terá unha fiestra circular que permitiría o acceso parcial á pantalla do móbil para consultar a hora, realizar chamadas, enviar mensaxes de texto, tomar fotografías e controlar a reprodución multimedia, á vez que chega en cinco cores moi atractivas (negro, branco, ouro, menta e rosa). A funda QuickCircle está deseñada para protexer os bordes do smartphone, facilitar un agarre firme e incluso ser compatible cos sistemas de carga indutiva.
Para acentuar o deseño circular da súa fiestra, a funda integra un aro luminoso a xeito de marco da súa fiestra, que se ilumina cando a funda se abre ou pecha ou cando se recibe unha chamada ou unha mensaxe de texto.


Vídeo de presentación da funda QuickCircle de LG

PUBLICIDADE