O InnJoo One chega ao mercado a un prezo de 199 euros
luns, 29 de xuño do 2015
InnJoo anunciou este luns
a chegada ao mercado español do seu primeiro dispositivo
intelixente, en palabras da empresa “un smartphone de altas
prestacións a un prezo económico ao alcance de todos os petos”.
Trátase, engade a compañía de Dubai , dun modelo de marco metálico
e cristal tépedo traseiro que inclúe entre outras cousas dupla
tarxeta SIM, pantalla de cinco polgadas e protección con tecnoloxía
DragonTrail X Glass, amais de oito núcleos, cámara de 13
megapíxeles e un grosor de 6,9 milímetros. O InnJoo
One, así se fai chamar o aparello, é o modelo estrela da casa.
O aparello vén equipado
con Android 4.4.2 e en breve actualizará á versión 5.0 de Android
Lollipop.
Segundo engaden fontes da
empresa, a cámara dixital é un compoñente clave no novo aparello,
por iso é polo que carreta unha cámara de 13 megapíxeles cun alto
nivel de luminosidade (f/2.0) e vén dotada con HDR
(High-DynamicRange), unha tecnoloxía que facilita a obtención de
imaxes en mobilidade. Tamén incorpora un modo multidisparo co que
podemos facer até 40 fotos de maneira continua. A cámara dianteira,
pola súa banda, está pensada para os selfies, e por iso,
para obtelos nas mellores condicións, o InnJoo One equipa un sensor
de 5 megapíxeles con apertura f/2.4, e un ángulo de enfoque de 88
graos para que as autofotos de grupo, sinala a empresa, “non deixen
a ninguén fóra”.
Á hora de almacenar
información disporemos por unha banda de 16 GB (o que equivale
aproximadamente a 3.000 fotos en alta resolución, dúas horas de
vídeo en HD ou máis de 4.000 cancións en MP3) e pola outra da
posibilidade de inserirmos un cartón micro SD de até 64 GB.
Na parte máis técnica
inclúe un procesador de oito núcleos, concretamente o MediaTek
MT6592 de 1,4 GHz e tecnoloxía de 64 bits. Ademais dispón dunha
memoria RAM de 2 GB. O procesador Mediatek vén acompañado por unha
GPU Mali 450MP. Á hora de falar de autonomía dicir que o InnJooOne
dispón dunha batería de 2.600 mAh.
O terminal xa pode adquirirse por 199 euros.