O ITG organiza o primeiro Industry Day de Galicia
xoves, 14 de marzo do 2019
O
Instituto Tecnolóxico de Galicia vai organizar a semana vindeira e
na súa sede da Coruña (o edificio da Fundación Barrié no Cantón
Grande) unha gran xornada para celebrar as múltiples vertentes da
transformación tecnolóxica da industria cara a modelos máis
sustentábeis, eficientes, intelixentes e rendÃbeis. Estamos
a falar da estrea do Industry Day de Galicia, un evento que se
enmarca na celebración internacional EU Industry Week impulsada pola
Comisión Europea. A cita será o 20 de marzo, en horario da 10 a 14
horas, na nova sede do ITG no centro da Coruña.
O
conselleiro de EconomÃa, Emprego e Industria da Xunta de Galicia,
Francisco Conde, inaugurará a celebración tecnolóxica, que conta,
ademais, co apoio da operadora galega R, a Cámara de Comercio da
Coruña e o Colexio de Enxeñeiros Industriais de Galicia.
No
transcurso do acto reuniranse empresas de referencia en Galicia,
Madrid e Euskadi que explicarán a súa aposta por unha industria
máis intelixente e sustentábel. Falarase de monitoraxe de procesos,
mantemento preditivo, captura avanzada de datos, análise de
información a gran escala (Big Data), aprendizaxe das
máquinas (Machine Learning), visión artificial, realidade aumentada
e realidade virtual.