O IES García Barbón de Verín presenta novo proxecto TIC e entrega os seus premios aos mellores blogs
venres, 31 de maio do 2013
Temos novidades dende o
IES García Barbón de Verín, un dos centros educativos galegos que
máis cedo recoñeceron a importancia da comunicación 2.0 para o seu
alumnado, futuros integrantes dun tecido produtivo que precisa
profesionais con coñecementos amplos neste eido. De feito, xa por
2007 tivemos ocasión de dar conta deste emprego pedagóxico dos
nosos servizos en liña, nunha
entrevista mantida co profesor Daniel Veiga. Volvendo ás
devanditas novidades, dicir que o centro de Verín vén de conceder
os seus premios de cadernos escolares (a sexta edición do certame
Barbón Blog) e de presentar unha iniciativa tecnolóxica
divulgativa sobre os múltiples usos de formación, comunicación e
coñecemento de Internet: o Proxecto Pipe 2013 – Internet para
Estudantes.
Os ditos galardóns,
convocados polo Departamento de Orientación do IES para o
alumnado de Tecnoloxías da Información e a Comunicación de
primeiro de Bacharelato, encamíñanse a amosar até que punto o
uso cotián do blog na aula permite potenciar as habilidades dixitais
e lingüísticas dos estudantes e motivalos para favorecer a
capacidade de aprender dun xeito cada vez máis autónomo. De xeito
complementario, presentouse como dixemos o Proxecto
Pipe 2013, no que estivo a traballar o alumnado dende mediados do
pasado mes de marzo e que se dirixe a divulgar os usos e aplicacións
de Internet entre a comunidade educativa, amosando unha aproximación
aos mellores recursos dispoñíbeis para o ensino e a comunicación.
A iniciativa é froito do traballo colaborativo do alumnado.
Polo que atinxe á
relación de premiados, ficou deste xeito:
1 Andrés Macía
Couto
Premio: Tableta dixital
http://ticdacomarca.blogspot.com.es/
2 Fernando Martín
Silva
http://barbonpeople.blogspot.com.es/
Premio: Tableta dixital
3 Marcos Sobrino
García
http://ticmonterrei.blogspot.com.es/
Premio: MP5
4 Ángel Deprada
Fernández
http://andefer.blogspot.com.es/
Memoria USB de 32 XB
5 Idoia Pérez
Rodríguez
http://ticquetes.blogspot.com.es/
Memoria USB de 16XB
6 Marta Cerdeiriña
Cid
http://martacertic.blogspot.com
Memoria USB de 8 XB
7 Esther Fernández
Yañez
http://ticontasotempo.blogspot.com.es/
Premio especial
8 Lucía Rúa Afonso
http://luciaetic.blogspot.com.es/
Premio especial