O Goberno promove o acceso das persoas con discapacidade á TDT
luns, 21 de decembro do 2009
O Goberno
central, da man do ministro de Industria, Turismo e Comercio, Miguel Sebastián
e da ministra de Sanidade e Política Social, Trinidad Jiménez, vén de presentar
publicamente os decodificadores de Televisión Dixital Terrestre (TDT)
accesibles para as persoas con discapacidade e as persoas maiores, nun acto no
que tamén se levaron a cabo demostracións do funcionamento destes receptores.
Estes
decodificadores incorporan un sistema operativo pioneiro desenvolvido polo
Ministerio de Industria, Turismo e Comercio a través do Instituto Nacional de
Tecnoloxías da Comunicación (INTECO), que lle permite ás empresas facer
accesibles os dispositivos que fabriquen. Deste xeito, segundo afirman dende o
executivo, “España convírtese no primeiro
país en contar con decodificadores de TDT accesibles”, que nas vindeiras
semanas estarán dispoñibles nas tendas.
Este proxecto,
que conta cun presuposto de 500.000 euros, ten como obxectivo aproveitar as
posibilidades que presenta a TDT para garantir o acceso a este medio das
persoas con discapacidade e as persoas maiores e deste xeito, segundo indican, “ofrecerlles unha alternativa eficaz para que
poidan empregar a TDT sen barreiras”.
Esta medida afectará directamente a unhas
100.000 persoas con minusvalidez visual e ás súas familias e tamén facilitará o
uso de aparatos ás máis de 7.000.000 de persoas que forman o colectivo de
maiores
Asemade, tamén busca dinamizar e promover a industria mediante a liberación do
coñecemento e os resultados do proxecto para a súa adopción e utilización polas
empresas na creación de produtos que ofrezan solucións a este tipo de
colectivos, nun mercado en competencia e garantindo o cumprimento da lexislación.
Neste sentido, INTECO asinou senllos acordos de
colaboración con seis fabricantes (Televés, Investrónica, FTE Maximal, Elias Interactivo, Fagor e Fracarro Ibérica) para
a comercialización de receptores de TDT accesibles
baseados nos resultados do proxecto, co que se garante a existencia dunha
oferta suficiente de receptores accesibles nun mercado de libre competencia.
Esta aplicación software para receptores
de TDT, denominada IDTVOS
(INTECO Dixital TV Operating
System ou Sistema Operativo de INTECO para
Televisión Dixital), é compatible con varios decodificadores de TDT do mercado, de tal maneira que a súa introdución converte o receptor nun
receptor accesible, que incorpora gran cantidade de funcionalidades de
accesibilidade como a axuda á navegación por voz, tonalidades de alto
contraste, tamaños de fonte e velocidade da voz personalizable...