O Fire TV Cube permite unirse a xuntanzas en Zoom
xoves, 29 de xullo do 2021
Dentro dos dispositivos para achegar prestacións de Smart TV
por HDMi de Amazon destaca o Fire
TV Cube por facer unha aposta polo control por voz moi superior á dos seus
irmáns, xa que, aparte de permitir dar ordes ao seu mando, tamén conta con
micrófonos de longo alcance para que poidamos falar con Alexa. Este trebello
tamén inclúe emisor de infravermellos para poder controlar dispositivos que
inicialmente non serÃan domóticos (como sistemas de aire acondicionados, equipos
de son, persianas eléctricas...). Pero este interesante dispositivo vén de
incorporar unha función moi interesante nos tempos que corren: poder realizar
videoconferencias por Zoom. Até o momento o dispositivo só permitÃa as videoconferencias a través da aplicación oficial de Alexa.
Coa última actualización de software do Fire TV Cube é posible instalar a
aplicación de Zoom e, tras conectarlle unha webcam compatible, será posible
unirse a xuntanzas virtuais en vÃdeo, o que pode resultar moi atractivo á hora
de facer este tipo de reunións no salón da casa, aÃnda que non faltarán
empresas que consideren que este é un xeito práctico de incorporar Zoom a unha
sala de reunións.
Para poder gozar da videoconferencia a través de Zoom é preciso contar cunha
webcam que soporte o estándar UVC (ou sexa, que non precise de drivers
especiais para funcionar) e como mÃnimo funcione a 72p e 30 imaxes por segundo,
recomendándose webcams Full HD cun campo de visión de 60-90 graos, non
recomendándose webcams 4K.
Algunhas das webcams recomendadas por Amazon serÃan as Logitech C920, C922x e
C310 ou a Wansview 101JD, que precisan dun adaptador a micro USB para poder
conectarse ao Fire TV CUbe (existindo tamén adaptadores deste tipo con porto Ethernet,
o que pode resultar moi práctico se temos unha conexión Wi-Fi pouco estable).
Unha vez instalada a webcam chegará con dicirlle a Alexa que se unha a unha
xuntanza de Zoom, tras o que o asistente preguntará polo identificador e o
contrasinal da xuntanza, podendo simplificarse a operativa se temos o
calendario de xuntanzas ligado con Alexa, de xeito que o sistema adiviñará a
xuntanza a que queremos unirnos e simplemente pedirá unha confirmación ao
usuario antes de entrar.
Cómpre advertir que o uso de webcams en dispositivos con Android TV é unha prestación tan frecuente como descoñecida, en boa medida pola falta de software orientado ao uso de cámaras dente o televisor. Sen ir máis lonxe, o Chromecast con Google TV tamén é compatible con webcams UVC, polo que incorporar a videoconferencia a contornos familiares é cada dÃa máis doado.