O Edificio Quercus acolle o 30 de maio o I Foro APD sobre Tecnoloxía e Negocio
mércores, 25 de maio do 2022
A
Asociación para o Progreso da Dirección (APD), en colaboración co
Colexio Oficial e a Asociación de Enxeñeiros de Telecomunicación
de Galicia (COETG-AETG), organiza o vindeiro 30 de maio un evento de
interese sobre o papel que xogarán as TIC nas empresas a curto,
medio e longo prazo. Trátase do I
Foro sobre Tecnoloxía e Negocio, que se celebra en Santiago (no
Edificio Quercus do Parque Empresarial Costa Vella, en horario de
9.30 a 13.45 horas) co obxectivo de abordar os novos desafíos aos
que se enfrontan as organizacións coas novas ferramentas como
vehículo impulsor da súa expoñencialidade.
Sobre
a xornada
A
respecto das cuestións que se van abordar na cita, a APD lembra que
tecnoloxía “deixou de ser un complemento nas empresas para
converterse nun dos elementos máis importantes da nosa
organización”. En consecuencia, unha empresa que queira crecer de
maneira exponencial debe comprender a potencialidade do uso destas
novas ferramentas disruptivas (desde a Intelixencia Artificial á
cadea de bloques, pasando pola análise de información masiva, o
chamado Big Data, ou as ferramentas inmersivas),
complementando a estratexia directiva. En consecuencia, o gran
obxectivo do I Foro APD de Tecnoloxía e Negocio é abordar estes
novos desafíos, achegando luz sobre as macrotendencias que virán e
onde se abordará a tecnoloxía como vehículo impulsor da
expoñencialidade das organizacións.
Os
relatores
Participarán
Luis Álvarez-Sestelo, director executivo da firma galega Optare,
Pablo Briesca, director xeral da Fundación CTIC, Antonio Couceiro,
presidente da Fundación ITG, José Rodríguez Fernández, director
comercial e de Marketing de ASM Soft, Mar Pereira, directora da
axencia autonómica AMTEGA, Dora Casal, directora executiva de
Roberto Verino, Rubén Tubío, responsábel de PMO de Dinahosting,
Ana Sánchez Álvarez, directora de APD Zona Noroeste, Luis Pérez
Freire, director xeral do Centro Tecnolóxico Gradiant, Marcos Suárez
Corral, director de I+D de Qbitia, Román Martínez Quiñones,
director de Industrialización de Nueva Pescanova, Santiago Márquez
Solís, CTO de Nexplore e Alfredo Castro Moral, director xeral de
Serviguide Tech.