O Concello de Oleiros convoca ás familias para axudalas a usar as TIC en positivo
venres, 3 de maio do 2019
A
vindeira semana, o xoves 9, vaise falar en Oleiros das consecuencias
negativas que se derivan dun uso indebido das novas tecnoloxÃas
entre a xente nova: un uso sen medida, sen control e, sobre todo, sen
as debidas pautas de asesoramento sobre o que se fai nas redes e o
que se deriva do seu emprego. Estamos
a falar da xornada Todo por un like, que se celebra ás 20.00
horas no auditorio do centro cultural A Fábrica. Na cita, nun
plano máis concreto, falarase sobre a influencia que teñen Internet
e as redes sociais na educación emocional, afectiva e sexual nas
etapas da nenez e da adolescencia.
O
coloquio será conducido por dúas especialistas en educación
emocional, en redes sociais e no traballo con menores e adolescentes:
Sara Vierna e Virginia Pañeda, integrantes de Almas Meraki. Segundo
adiantan, na cita achegaranse pautas e claves para estarmos
preparadas/os ante as consecuencias da transformadora irrupción das
novas tecnoloxÃas e o acceso Internet en todos os niveis e vertentes
da vida dos menores de idade, unha irrupción que de non contarmos
cos recursos precisos e axeitados, pode derivar decontado cara o
negativo, deixando de lado o gran potencial docente e comunicador das
novas ferramentas. AsÃ, coñecer a influencia que teñen nos
menores, os comportamentos que derivan do seu uso indiscriminado e
sen criterio e, sobre todo, a necesidade dun acompañamento por parte
das familias serán algún dos obxectivos desta charla.
Amais,
tamén se botará luz sobre o que motiva moitos dos comportamentos
que observamos hoxe en dÃa nos nenos e nenas e, posteriormente, na
adolescencia, unha etapa da vida á que se chega cada vez antes de
tempo. Esta charla enmárcase dentro do Programa Familias Inquedas do
Concello de Oleiros, un conxunto de actividades dirixidas ás
familias da contorna con menores para apoialas, acompañalas e
orientalas na educación e crianza dos seus fillos e fillas.