O Clúster Audiovisual Galego lidera un proxecto baseado en Intelixencia Artificial: MEDRETIA
luns, 28 de novembro do 2022
Facer
avanzar a presenza da Intelixencia Artificial no sector audiovisual
galego, co obxectivo de mellorar a súa capacidade de ofrecer ao
mercado o que este demanda. Este é un dos grandes obxectivos do
proxecto colaborativo MEDRETIA, impulsado polo Clúster Audiovisual
Galego botando man de técnicas de IA, que ten o obxectivo de
“desenvolver predicións a partir de datos multisectoriais, e
determinar un sistema intelixente para a predición de éxito
(audiovisual) e vendas (téxtil) dos produtos monitorizados
permitíndolles ás empresas adiantarse ás necesidades do mercado en
base aos datos históricos de tempadas anteriores”.
O
Clúster desenvolve o proxecto MEDRETIA en colaboración coas
empresas Corporación Radio Televisión de Galicia (CRTVG), Duacode e
Selmark, o centro tecnolóxico Instituto Tecnolóxico de Galicia
(ITG) e a Asociación para a Dixitalización da Industria de Galicia,
Galicia Dixital.
Segundo
explican, MEDRETIA ten o seu antecedente nos resultados do estudio de
viabilidade liderado polo Clúster AudienceLab Big Data,
financiado pola convocatoria 2018-19 de axudas de apoio a agrupacións
empresariais innovadoras, para a construción dun piloto que
permitira medir o consumo audiovisual da mocidade nas novas
plataformas. Fontes do Clúster aclaran que o resultado do estudo de
viabilidade desembocou en “información de gran utilidade para as
empresas do consorcio que desenvolveu o proxecto”, permitindo
“incrementar o valor de cada produción audiovisual xerada polas
produtoras e empresas de creación de contidos audiovisuais con datos
ata ese momento de difícil acceso”.
O
proxecto MEDRETIA conta con financiamento do Ministerio de Industria,
Comercio e Turismo, a través do programa de apoio a Agrupacións
Empresariais Innovadoras (AEI) para contribuír á mellora da
competitividade da industria española, resultando beneficiario, na
súa segunda convocatoria do año 2022, dunha axuda de 141.084 euros.